Истанбул: Аја Софија од нејзиното отворање за богослужба ја посетиле над 6,5 милиони луѓе

ИСТАНБУЛ (АА) - Големата џамија Аја Софија во Истанбул, Туркије, привлекува големо внимание кај домашните и странските туристи, а од нејзиното отворање до денес ја посетиле повеќе од 6,5 милиони посетители, јавува Агенција Анадолија (АА).

Аја Софија, која беше претворена во музеј во 1934 година, го поврати својот статус на џамија на денешен ден (24 јули) во 2020 година, кога беше отворена за богослужба.

На 10 јули 2020 година, турскиот суд го поништи декретот на Кабинетот од 1934 година, со кој Аја Софија беше претворена во музеј, со што се отвори патот за нејзино повторно користење како џамија.

Споменикот беше обновен во својот поранешен сјај како Големата џамија Аја Софија на 24 јули 2020 година, кога стотици верници, на кои им се придружи и турскиот претседател Реџеп Таип Ердоган, ја посетија за првиот намаз (молитва) по 86 години.

Аја Софија служеше како црква 916 години и 86 години како музеј. Таа беше џамија во периодот од 1453 до 1934 година, речиси 500 години.

Во 1985 година, Аја Софија е ставена на листата на светско наследство на УНЕСКО и е меѓу најистакнатите туристички дестинации во Туркије.