АНКАРА (АА) - Книгата „Големите проекти на Републиката“ подготвена од Анадолу со поддршка на турското Министерство за транспорт и инфраструктура е пуштена во продажба, јавува Анадолу.
Книгата, која се состои од 9 поглавја, ги опфаќа значајните инвестиции и проекти реализирани од прогласувањето на Турската Република до денес.
Главните делови на книгата се фокусираат на инвестициите во транспортот, комуникациите, здравството, енергетиката и водните ресурси, одбранбената индустрија, технологијата и индустријата, културата и уметноста, спортот и економските структури.
Служејќи како водич за она што го постигнала земјата во изминатиот век, книгата нуди детали за бројни проекти реализирани во речиси секој сектор.
Меѓу најконкретните примери за проекти реализирани со домашни и национални ресурси, книгата ги опфаќа големите инфраструктурни инвестиции во изминатите 100 години, како што се Мостот на мачениците од 15 јули, мостовите Османгази и Јавуз Султан Селим, тунелот Евроазија, Мармарај, Аеродромот Истанбул и системите за брзи возови.
Дополнително се вклучени и значајни проекти во технологијата, здравството, одбраната, воздухопловството, градежништвото, културата, енергетиката и архитектурата.
- Повеќе проекти -
Книгата содржи и информации за чекорите преземени за зголемување на производствените капацитети на земјата и развој на домашната индустрија.
Во неа се наведени проектите во здравството од раните години на Републиката, како и поновите иницијативи како Националниот борбен авион, Турската истражувачка станица на Антарктикот, домашното електрично возило Тогг и проектите за обновлива енергија.
Овие глобално признати проекти се презентирани со датумите на нивното отворање, карактеристики и интегрирани структури.
Со помош на инфографици и фотографии, книгата е издадена во енциклопедиски формат со висококвалитетен печат и повез, прикажувајќи ја визијата за „Силна Туркије“.
Книгата може да се купи преку онлајн платформи и во одбрани книжарници.
Во книгата се вклучени и изјавите од министерот за транспорт и инфраструктура Абдулкадир Уралоглу.
„Инвестициите, особено во полето на транспортот и комуникациите, одиграа значајна улога во развојот на нашиот меѓународен трговски и производствен капацитет“, истакна Уралоглу.
„Ова вредно дело, создадено од Анадолу како вид историски запис, ќе има значајна улога во пренесувањето на нашето наследство од постигнувања на идните генерации“, додаде тој.
