Ali Murat Alhas
21 Ноември 2021•Ажурирај: 22 Ноември 2021
АНКАРА
Турското Министерство за надворешни работи рано денес соопшти дека Грција има провокативен и противнички став кон Турција додека зборува за дијалог, јавува Агенција Анадолија (АА).
Портпаролот Танју Билгинч во изјавата наведе дека Грција не може да ја прифати клучната улога што Турција ја игра во нејзиниот регион и непосредната околина во контекст на обезбедување мир и стабилност.
Неговите коментари беа одговор на грчкиот министер за надворешни работи, Никос Дендијас, кој во петокот рече: „Турција продолжува да ѝ се заканува на Грција со војна, продолжува да го прекршува нашиот суверенитет и суверени права, продолжува нелегално да ја окупира територијата на Република Кипар, продолжува да ги прекршува нејзините поморски зони, продолжува да го засолнува Муслиманското братство.“
Билгинч рече дека Атина се обидува да влезе во конкуренција со Турција во речиси сè и избира тензија наместо соработка.
Тој наведе дека повикот на Атина за дијалог е во спротивност со нејзиниот секојдневен негативен став кон Турција и побара грчките власти да бидат искрени и чесни.
