Туркије: Во Истанбул запленети 120 килограми хероин

ИСТАНБУЛ (АА) – Во акција во Истанбул, Туркије (Турција), запленети се 120 килограми хероин, а едно лице е приведено, јавува Агенција Анадолија (АА).

Тимовите на жандармеријата, постапувајќи по дојава, спроведоа операција во квартот Есенјурт и врз основа на теренска работа, констатирале дека С. Т. планирал на пазарот да пушти дрога купена од странство.

Тимовите го следеле осомничениот пет месеци и организирале претрес во изнајмениот стан во Есенјурт.

За време на претресот пронајдени се 120 килограми хероин, 5 килограми метамфетамин, опрема за мерење и пакување на дрога и оружје.

Осомничениот, за да не привлече внимание, избрал стан во фреквентна област, го изнајмил на име на лице кое немало досие и навел дека ќе живее со семејството.

Во тек е процесуирањето на неколку лица.