Турскиот и азербејџанскиот претседател ќе го отворат новиот аеродром во регионот на Црно Море во Турција

АНКАРА (АА) - Првото слетување на новиот Аеродром „Ризе-Артвин“ во Турција овој месец ќе го направат авионите на претседателот на Турција и на Азербејџан, јавува Агенција Анадолија (АА).

Аеродромот ќе биде отворен на 14 мај во присуство на претседателот на Турција, Реџеп Таип Ердоган и претседателот на Азербејџан, Илхам Алиев.

Ова е втор аеродром во Турција изграден со користење на морски насип.

Свеченото отворање ќе биде проследено со вечера во чест на Ердоган и Алиев.

Аеродромот со површина од 47.133 квадратни метри се очекува да опслужува приближно 3 милиони патници годишно.