ИСТАНБУЛ (АА) - Турскиот министер за надворешни работи Хакан Фидан денес одржа средби во Турската Република Северен Кипар (ТРСК) во рамки на неговата работна посета на земјата, јавува Анадолу.
Фидан одделно се состана со опозициските лидери Туфан Ерхурман, претседател на Републиканската турска партија (ЦТП), и Кудрет Озерсај, претседател на Народната партија, во турската Амбасада во главниот град Лефкоса, според објавата на Министерството на социјалните мрежи.
За време на средбите Фидан го придружуваше турскиот амбасадор во Лефкоса, Јасин Екрем Серим. Не беа дадени детали за содржината на дискусиите.
Средбите го одбележаа вториот ден од дводневната посета на Фидан.
Вчера тој се состана со претседателот на ТРСК, Ерсин Татар, и одржа заедничка прес-конференција.
Тој, исто така, имаше разговори со неговиот колега Тахсин Ертугрулоглу, со претседателот на Парламентот на ТРСК, Зија Озтурклер, и премиерот Унал Устел.
На Кипар постои повеќедецениски спор меѓу кипарските Грци и кипарските Турци и покрај серијата дипломатски напори на Обединетите нации (ОН) за постигнување сеопфатно решение.
Последниве години имаше неколку обиди за мировен процес, вклучително и неуспешната иницијатива во 2017 година во Швајцарија под покровителство на земјите гаранти Туркије, Грција и Велика Британија.
