Турскиот министер за одбрана оствари средба со колегите на самитот на НАТО во Брисел

ИСТАНБУЛ (АА) - Турскиот министер за национална одбрана, Јашар Ѓулер, денес учествува на вториот и последен ден од состанокот на министрите за одбрана на земјите членки на НАТО во Брисел, јавува Анадолу.

„Состанокот на министрите за одбрана на НАТО продолжува во Брисел. Министерот за национална одбрана Јашар Ѓулер учествува на сесијата на вториот ден од самитот“, соопшти Министерството за одбрана на Туркије преку платформата X.

Ѓулер „имаше разговор со американскиот секретар за одбрана Лојд Остин“ и „неколку министри за одбрана од сојузничките земји пред втората сесија“, се додава од Министерството.

Оттаму не се дадени дополнителни детали за разговорите.

Ѓулер пристигна во Брисел во средата за да учествува на состанокот на НАТО, а вчера одржа билатерални средби со своите колеги од повеќе земји.