Турскиот претседател Ердоган со државна церемонија го пречека либанскиот премиер Микати

АНКАРА (АА) - Турскиот претседател Реџеп Таип Ердоган со државна церемонија го пречека премиерот на Либан, Наџиб Микати, кој престојува во официјална посета на Туркије, јавува Анадолу.

По свечениот пречек, Ердоган и Микати отидоа на тет-а-тет и средба меѓу делегациите, по што е планирана и заедничка прес-конференција.

Ердоган ќе приреди и свечена вечера во чест на либанскиот премиер.

На церемонијата на прием присуствуваа и турскиот министер за животна средина, урбанизам и климатски промени, Мурат Курум, министерот за енергетика и природни ресурси, Алпарслан Бајрактар, министерот за култура и туризам, Мехмет Нури Ерсој, министерот за национална одбрана, Јашар Ѓулер, директорот на Националната разузнавачка организација (МИТ), Ибрахим Калин, директорот за комуникации при турското Претседателство, Фахретин Алтун, главниот советник на претседателот за надворешна политика и безбедност, Акиф Чагатај Килич, како и гувернерот на Анкара, Васип Шахин.