Турција издаде налози за апсење на 76 осомничени членови на ФЕТО

ИСТАНБУЛ

Турските обвинители издадоа налози за апсење за 76 лица осомничени за поврзаност со терористичката организација ФЕТО, јавува Агенција Анадолија (АА).

„Операцијата во Истанбул беше спроведена во 19 области од страна на антитерористичките тимови, со цел фаќање на осомничените“, вели изворот, кој зборуваше под услов да остане анонимен.

ФЕТО и нејзиниот водач Фетула Ѓулен, кој живее во САД, стојат зад неуспешниот обид за пуч на 15 јули 2016 година во Турција, во кој загинаа 251 лице, а речиси 2.200 беа повредени.

Терористичката ФЕТО стои и зад долгогодишната кампања за соборување на државниот поредок преку инфилтрирање на свои припадници во турските институции, особено во војската, полицијата и судството.