Турција: Издаден налог за апсење на 271 лице осомничени за поврзаност со ФЕТО

ИСТАНБУЛ (AA) – Турските обвинители денеска издадоа налог за апсење на 271 лице за кои се сомнева дека се поврзани со терористичката организација ФЕТО, која стои зад обидот за државен удар во јули 2016 година, пренесува Anadolu Agency (AA).

„Канцеларијата на главниот обвинител во Истанбул во рамките на истрагата за ФЕТО издаде налог за апсење на 271 војник, од кои некои во активна служба“, откри изворот кој сакаше да остане анонимен.

ФЕТО и нејзиниот лидер Фетула Ѓулен стојат зад обидот за државен удар во Турција, кој се случи на 15 јули 2016 година, во кој животот го загубија 251 лице, а околу 2.200 беа повредени.

ФЕТО стои зад долготрајната кампања за рушење на државата преку инфилтрација во турските институции, посебно во војската, полицијата и правосудството.