Турција: При обид за премин во Грција фатени 60 бегалци од Сирија

БАЛИКЕСИР (АА) - Во турскиот град Ајвалик, фатени се 60 бегалци од Сирија во обид нелегално да преминат на грчкиот остров Лезбос, јавува Anadolu Agency (AA).

Крајбрежната стража при патролирањето забележала гумен чамец кој се движел кон островот Лезбос.

Утврдено е дека чамецот пренесува повеќе луѓе отколку што е предвидено, и дека постои можност да потоне.

На бегалците, меѓу кои има и жени и деца, им е укажана помош, а потоа ќе бидат испратени во Центарот за враќање на странци во Баликесир.