Турција приведе 110 осомничени за тероризам поврзани со ДЕАШ во Истанбул

АНКАРА (АА) - Турските власти денес соопштија дека во Истанбул се приведени 110 осомничени лица како дел од операцијата против терористичката организација ДЕАШ, јавува Анадолу.

Во соопштение, Канцеларијата на главниот јавен обвинител на Истанбул истакна дека 41 од осомничените лица се поврзани со терористите вклучени во вчерашниот терористички инцидент во турската област Јалова и дека планирале слични напади во Истанбул за време на новогодишните прослави.

Во меѓувреме, во соопштението на Канцеларијата на главниот јавен обвинител на Анкара се вели дека е издаден налог за апсење на 17 осомничени за тероризам, припадници на ДЕАШ, од кои 11 се странски државјани.

Осомничените, вклучувајќи ги и 11-те странски државјани, се товарат за членување во терористичка организација и одржување контакт со конфликтни зони, се вели во соопштението.

Се додава дека Бирото за истраги на терористички злосторства ги идентификувало осомничените преку анализи на дигитален материјал запленет за време на претходните истраги поврзани со ДЕАШ.