Турција рециклира 1,1 милион тони пластика годишно

ИСТАНБУЛ (АА) - Турција заштедува 1 милијарда долари секоја година, така што рециклира 1,1 милион тони пластичен отпад, соопшти Здружението на рециклатори на Турција (GEKADER), јавува Агенција Анадолија (АА).

Со турскиот проект „Нула отпад“, што започна во 2010 година, стапката на рециклирање се зголеми на 22,4 проценти од 13 проценти.

Целта на Турција е да ја достигне целта од нула емисии до 2053 година, заедно со рециклирање на пластичниот отпад.

Секторот за отпад од пластика генерира 1 милијарда долари годишно со вработување на 350.000 персонал во 1.300 фирми.

Фатих Ерен, раководителот на Здружението, рече дека рециклираниот пластичен отпад се користи во многу сектори, вклучително и за големите апарати, пакувања, земјоделските култури, електроника, текстил и градежништво.

Тој рече дека секторот за рециклирање е тешко притиснат соочен со зголемените барања.

„Моментално, цената на рециклираниот ПЕТ е иста како и неговата суровина. За една или две години, цените на рециклираните ПЕТ-парчиња ќе ја надминат цената на суровините поради високите барања и обврзувања“, кажа тој за АА.

Тој кажа дека пластиката може да биде рециклирана безброј пати, додавајќи дека секторот има голем потенцијал.

Ерен додаде дека Турција не увезува ѓубре туку пластичен отпад, кој е суровина за секторот за рециклирање.

„Соединетите Американски Држави (САД) и Кина исто така внесуваат пластичен отпад“, тој додаде.

Турција продава рециклирана пластика за 1.000 долари по тон, правејќи значителен профит бидејќи цената на пластичниот отпад е 400 долари за тон додека цената на суровината е околу 2.000 за тон.

Според ова, како што рече тој, увозот на пластичен отпад во Турција во 2020 година изнесувал вкупно 127,7 милиони долари, додека извозот на рециклирани пластични производи изнесува 1,21 милијарда долари.