Во областа Аванос во турскиот град Невшехир, позната по своите природни и културни убавини, турите со гондола по реката Кизилирмак им нудат поинакво искуство на посетителите на регионот.
Во Кападокија, која е на листата на светското наследство на УНЕСКО, турите со гондола нудат поинакво искуство како алтернатива на турите со коњи и теренски возила меѓу бајковитите оџаци, како и на летовите со балони на топол воздух, привлекувајќи ги љубителите на природата.
Турите се организираат на реката Кизилирмак, која минува меѓу двата дела на Аванос, во близина на историскиот мост Асма, познат како „лулачкиот мост“, еден од симболите на областа.
Гондолите пловат по мирните води на реката во групи со по шест лица, нудејќи им на посетителите поинакво искуство.
Одговорниот на туристичката компанија Али Сарјиурек за АА изјави дека гондолите станале дел од туристичкиот идентитет на областа, кој е тесно поврзан со реката Кизилирмак.
Тој посочи дека глетките за време на турата кај посетителите будат асоцијации на Венеција, градот во Италија познат по своите канали и гондоли.
Еден од учесниците во турата, Неџдет Ендар, изјави дека со своето семејство ги посетува туристичките центри во Кападокија.
Мехмет Арас истакна дека гондолите дополнително ја разубавуваат глетката.
Гондолите кои пловат по реката нудат атрактивни сцени, особено за посетителите кои фотографираат и снимаат видеа.
