Чавушоглу и Колона разговараа за насилството на ПКК низ улиците на Париз

АНКАРА (АА) - Турскиот министер за надворешни работи, Мевлут Чавушоглу, телефонски разговараше со неговата француска колешка, Катрин Колона, за насилствата во Париз по нападот на 23 декември, соопшти турското Министерство за надворешни работи, пренесува Агенција Анадолија (АА).

Во телефонскиот разговор со француската министерка за надворешни работи, Чавушоглу истакна дека Франција сега го видела вистинското лице на терористичките организации по насилните протести на поддржувачите на терористичката организација ПКК во Париз, во кои беа повредени десетици лица.

Чавушоглу ѝ нагласи на Колона дека „црната пропаганда“ против Анкара по избувнувањето на насилството е неприфатлива и го повика Париз да не дозволи нејзино ширење.

Тој понатаму нагласи дека е неприфатливо француските политичари да се појавуваат со фотографии од водачот на терористичката организација во позадина.

Минатиот петок, приврзаниците на терористичката организација ПКК се собраа на местото на вооружениот напад во француската престолнина, вршејќи акти на насилство и судири со обезбедувањето во протестите што следуваа во следните два дена, при што беа повредени 31 полицаец, заедно со еден демонстрант.

Полицијата приведе 11 лица.

ПКК е терористичка организација која е наведена на листата на терористички организации од Туркије, Европската Унија (ЕУ) и Соединетите Американски Држави (САД). Таа е одговорна за смртта на повеќе од 40.000 луѓе. ЈПГ е сириски огранок на ПКК и е присутна и на тлото на Европа.

Иако официјално е призната како терористичка организација, минатонеделното насилство покажа дека ПКК отворено има опасно упориште во Европа.