АНКАРА (АА) - Четвртиот турски брод за дупчење денес пристигна на својата дестинација, пристаништето Ташуџу во Мерсин, јавува Агенција Анадолија (АА).
Бродот го започна своето патување од пристаништето Окпо во Јужна Кореја на 7 март, а ќе остане на пристаништето во Мерсин околу два месеци како подготовка за неговата прва вежба за дупчење во источниот дел на Средоземното Море.
Новиот брод е седма генерација брод за дупчење на големи длабочини и е едно ниво подобар од другите три брода, „Фатих“, „Кануни“ и „Јавуз“ во флотата на Турција.
Дополнувањето на флотата е дел од националната политика за унапредување на технологијата и употребата на локална опрема за енергетските проекти.
Бродот со висина на кулата од 104 метри, ќе биде четвртиот брод кој ќе се приклучи на флотата на Турција која ја сочинуваат и бродовите „Фатих“, „Кануни“ и „Јавуз“.
Бродот со должина од 238 метри и 42 метри широчина, опремен е со напредна технологија од седмата генерација и екипаж со 200 лица се очекува да ја одржи првата задача за дупчење во Источниот Медитеран.
Бродот има активен систем за позиционирање и капацитет за дупчење на длабочина од 12.200 метри. Бродот во моментот го носи името „Кобалт експлорер“, но ќе биде преименуван.
