Egjipti dhe Greqia synojnë të zhvillojnë bashkëpunimin ushtarak

Ministri i Mbrojtjes i Egjiptit, Mohamed Zaki, ka pritur në takim në Kajro homologun e tij grek, Evangelos Apostolakis, ku diskutuan bashkëpunimin ushtarak mes ushtrive të të dy vendeve, transmeton Anadolu Agency (AA).

Ministria egjiptiane e Mbrojtjes njoftoi se të dy palët u pajtuan për çështjet që lidhen me mbrojtjen kombëtare, sigurinë dhe paqen.

Palët kanë bashkëpunuar në përcaktimin e ujërave territorial në Detin Mesdhe të pasur me gaz natyror, në transportin detar, sigurinë dhe turizmin.

Egjipti dhe Greqia mbajtën një stërvitje të përbashkët ushtarake nëntorin e kaluar.