Ekuador, në 24 orët e fundit shënohen 108 vdekje nga COVID-19

Në shtetin e Amerikës Jugore, Ekuador, në 24 orët e fundit janë regjistruar 108 vdekje si pasojë e koronavirusit të ri (COVID-19), transmeton Anadolu Agency (AA).

Në një deklaratë nga Ministria e Shëndetësisë së Ekuadorit thuhet se me 108 vdekjet e reja në 24 orët e fundit ka arritur në 3.828 numri i viktimave nga COVID-19 në vend ndërsa me 1.338 rastet e reja ka arritur në 45.778 numri i rasteve me koronavirus.

Viktimat e fundit janë numri më i madh i vdekjeve ditore në vend që nga 22 maji e deri më sot.

Gjithashtu bëhet e ditur se numri i të shëruarve nga virusi në vend ka arritur në 4.600.

Në Ekuador rasti i parë me COVID-19 u regjistrua më 29 shkurt ndërsa vdekja e parë më 14 mars.