Filipinet goditen nga një tërmet 5,2 ballësh

Një tërmet me fuqi prej 5,2 ballë sipas Rihterit ka goditur jugun e Filipineve, transmeton Anadolu Agency (AA).

Qendra gjeologjike amerikane (USGS) bëri të ditur se epiqendra e tërmetit ka qenë në Sarangani në jug të vendit në thellësi prej 46,2 kilometrash.

Tani për tani nuk ka informacione për viktima të mundshme në njerëz, as dëme materiale.

Filipinet gjenden në Unazën e Zjarrtë të Paqësorit, ku në këtë zonë tërmetet janë të shpeshta.

Në tërmetin me fuqi prej 7,2 ballësh që goditi Filipinet në vitin 2013 humbën jetën 144 persona.