Indi, në sistemin e kanalizimit u shpëtua një krokodil

ANKARA (AA) – Në qytetin Mumbai në jug të Indisë, pas 7 orëve përpjekje, u shpëtua një krokodil i ngecur në sistemin e kanalizimit, transmeton Anadolu Agency (AA).

Sipas lajmit të publikuar nga gazeta “Hindustan Times”, banorët e Mumbait me të vërejtur krokodilin në kanalizim, lajmëruan ekipet e mbrojtjes së jetës natyrore.

Për të shpëtuar krokodilin e gjatë 130 centimetra dhe të rëndë 8 kilogramë, ekipet nëpërmjet pompave e ulën nivelin e ujit në kanalizim dhe i ndaluan të gjitha daljet.

Krokodili shpëtoi pas përpjekjeve 7 orëshe të ekipit të përbërë prej 15 personave dhe më pas u la i lirë në habitatin natyror.

Ekspertët e Mbrojtjes së Jetës në Natyrë, bënë të ditur se krokodili ka arritur të mbijetojë në kanalizim për shkak të madhësisë së vogël.

Mendohet që krokodili i shpëtuar ka depërtuar në kanalizim nga përmbytjet e shkaktuara nga shirat monsun.