Kannadezi fiton lotarinë në ditën e pensionimit

ANKARA (AA) - Një person në Kanada ka fituar xhekpotin në lotari në ditën kur është pensionuar, transmeton Anadolu Agency (AA).

Sipas një lajmi në BBC, Ping Kuen Shum nga Vancouveri ka fituar xhekpotin në vlerë prej 1.5 milionë dollarësh më 28 prill.

Sipas lajmit, më 28 prill ka qenë edhe ditëlindja e Ping.

"Është e pabesueshme që tri ngjarje të ndodhin në ditën e njëjtë. Kam punuar për shumë vite dhe mezi pres që këtë pasuri ta ndaj me familjen time", ka thënë Ping, duke theksuar se me paratë e fituara planifikon të udhëtojë në Kinë.

Kompania e Lotarisë British Columbia ka thënë se nuk do të japë informata në lidhje me moshën dhe profesionin e Ping.