Kinë, udhëtimet e brendshme shënojnë ulje në Ditën e Punëtorëve

Gjatë festës pesëditore të 1 Majit, Ditës së Punëtorëve në Kinë, udhëtimet e brendshme u ulën me 30,2 për qind krahasuar me vitin e kaluar për shkak të shqetësimit të shkaktuar nga rastet e variantit Omicron të koronavirusit COVID-19 në shumë qytete në të gjithë vendin, transmeton Anadolu Agency (AA).

Sipas deklaratës së Ministrisë së Kulturës dhe Turizmit, nga data 30 prill deri më 4 maj janë realizuar 160 milionë udhëtime.

Numri i udhëtimeve është ulur me 30,2 për qind krahasuar me vitin e kaluar.

Gjatë periudhës së pushimeve, të ardhurat e brendshme nga turizmi arritën në 64,68 miliardë juanë (9,77 miliardë dollarë), duke regjistruar një rënie nga viti kaluar.

Në Shangai, Pekin dhe Guangzhou, qytetet më të mëdha të vendit, u vendosën kufizime udhëtimi gjatë periudhës së pushimeve për shkak të variantit Omicron, ndërsa qytetarët u këshilluan të mos dilnin jashtë qytetit.