Lirohet aktivisti rus Aleksei Navaljni pas 30 ditësh burgim

MOSKË (AA) - Aktivisti opozitar rus dhe kritiku Aleksei Navaljni sot u lirua pasi kaloi 30 ditë në burg për shkak të shkeljes së ligjit për thirrje të publikut në tubime të paautorizuara, raporton Anadolu Agency (AA).

Zëdhënësi i Navaljnit, Kira Yarmis theksoi se Navaljni pas lirimit ka dashur të japë deklaratë për mediat, por një gjë të tillë nuk ia lejuan zyrtarët rusë.

Me ftesë të aktivistit rus Navaljni në shumë qytete ruse më 12 qershor, u organizuan demonstrata kundër autoriteteve ruse. Gjatë protestave në të cilat ka ardhur edhe deri tek përleshja mes demonstruesve dhe policisë, u arrestuan më shumë se 650 persona.

Për shkak të rezistencës ndaj policisë dhe thirrjes së popullatës për tubime të paautorizuara Navaljni u dënua me 30 ditë burg.