Maduro shëtitet me automjet në qendër të Karakasit

Presidenti i Venezuelës, Nicolas Maduro ka falënderuar qytetarët e New Yorkut, të cilët mbajtën protesta dhe i bënë thirrje presidentit të SHBA-ve Donald Trump të mos ndërhyjë në problemet e brendshme në Venezuelë, raporton Anadolu Agency (AA).

Maduro dhe gruaja e tij Cilio Flores u shëtitën me automjetin e tyre në qendër të Karakasit ndërsa në rrjetet sociale ka publikuar në video-mesazh.

Recorriendo las calles de Caracas, en calma, tranquila. Le envío mis saludos y agradezco al pueblo de Nueva York por su solidaridad activa, expresada en las calles, con Venezuela. ¡La Paz Vencerá! pic.twitter.com/eWsuVkAJde

— Nicolás Maduro (@NicolasMaduro) February 24, 2019

"Nga Karakasi u shpreh mirënjohje qytetarëve të New Yorkut që dolën në rrugë për t'i bërë thirrje presidentit të SHBA-ve Donald Trump që të heq duart nga Venezuela", ka thënë Maduro.

Ai në mesazh theksoi se doli nga pallati presidencial Miraflores dhe u shëtit në qendër të Karakasit për të parë se si jeton populli i tij.

"Njerëzit janë në rrugë për të mbrojtur revolucionin dhe jetën. Unë kam qenë gjithmonë me popullin", tha Maduro, duke shtuar se paqja do të triumfojë.

Venezuela u përfshi në protesta që nga 10 janari kur presidenti Maduro dha betimin për mandatin e dytë pas bojkotit të opozitës.

Tensionet u përshkallëzuan kur kreu i opozitës, Juan Guaido, më 23 janar u vetëshpall president i përkohshëm, i mbështetur nga SHBA-të dhe shumë vende të Evropës dhe Amerikës Latine. Rusia, Turqia, Kina, Irani, Bolivia dhe Meksika mbështesin Maduron.