Maroku dhe SHBA diskutojnë përforcimin e bashkëpunimit ushtarak

Ministri maroken i Mbrojtjes, Abdellatif Loudiyi, dhe Shefi i Shtatmadhorisë së SHBA-së, Mark Milley, diskutuan për bashkëpunimin ushtarak dypalësh, transmeton Anadolu.

Agjencia kombëtare e lajmeve e Marokut, MAP, raportoi se Loudiyi dhe Milley u takuan në Rabat si pjesë e vizitës zyrtare të gjeneralit të lartë amerikan.

"Të dy zyrtarët shprehën kënaqësinë e tyre për nivelin e shkëlqyer të arritur nga marrëdhëniet shumëvjeçare të miqësisë dhe bashkëpunimit", tha MAP.

Loudiyi dhe Milley theksuan gjithashtu rëndësinë e "partneritetit strategjik ushtarak" midis dy vendeve, duke përfshirë udhërrëfyesin 2020-2030 për bashkëpunimin në mbrojtje të nënshkruar në tetor 2020.

Gjatë takimit, të dy zyrtarët "theksuan gjithashtu rëndësinë e stërvitjes së kombinuar vjetore 'Luani Afrikan', i cili përfaqëson një bazë të rëndësishme kryesore për suksesin në shërbim të ndërveprimit të forcave të armatosura", thuhet në raportim.