MIT solli në Turqi anëtarin e FETO-s të kapur në Azerbajxhan

BAKU (AA) - Agjencia Kombëtare Turke e Inteligjencës (MIT) nëpërmjet një operacioni kundër organizatës terroriste FETO, ka kapur mësuesin pjesëtar i FETO-s, Mehmet Gelen në Azerbajxhan, transmeton Anadolu Agency (AA).

Sipas informacionit të marrë, MIT e cila vazhdon operacionet e saj jashtë vendit në kuadër të luftës kundër FETO-s, ka ndjekur Gelen-in për të cilin ka pasur urdhër kërkimi.

Gelen, i cili ishte mësues në shkollat e FETO-s në Azerbajxhan, aktivitetet e të cilave pas tentativës të pabesë të grusht shtetit më 15 korrik të vitit 2016 ishin ndaluar, ishte munduar që me pasaportë të falsifikuar të hyjë në Bjellorusi.

MIT, me një operacion të suksesshëm ka kapur pjesëtarin e FETO-s, Gelen, i cili ishte ekstraduar nga Bjellorusia në Azerbajxhan pas procedurave ligjore.

Gelen i cili kërkohej me akuzën "anëtar i organizatës terroriste", është dërguar në Turqi.