Mitsotakis: Greqia ka arritur normalizim të rëndësishëm në marrëdhëniet me Türkiyen

Kryeministri grek, Kyriakos Mitsotakis, të mërkurën deklaroi se vendi i tij ka arritur normalizim të rëndësishëm në marrëdhëniet me Türkiyen, transmeton Anadolu.

Në një intervistë për transmetuesin publik ERT, Mitsotakis theksoi se normalizimi reflektohet në zhvillime konkrete si skema e lehtësimit të vizave të shpallur gjatë vizitës së presidentit turk, Recep Tayyip Erdoğan, në Athinë në dhjetor, duke luftuar migrimin e parregullt dhe negociatat për përmirësimin e lidhjeve dypalëshe ekonomike dhe tregtare.

Duke rikujtuar se ai dhe Erdoğan u takuan tre herë vitin e kaluar, Mitsotakis theksoi se ai është shumë më optimist mbi perspektivat për marrëdhëniet greko-turke.

Ai vuri në dukje se ka mosmarrëveshje të shumta midis dy vendeve, të cilat Athina synon t'i zgjidh duke i trajtuar me një disponim të mirë.

Mitsotakis shtoi megjithatë se Greqia dhe Türkiye duhet të jenë në gjendje të mësojnë të bashkëjetojnë në një rajon të sprovuar nga sfida të ndryshme edhe nëse dallimet e tyre mbeten të pazgjidhura.

Duke pohuar se marrëdhëniet me SHBA-në janë ngritur në një nivel shumë të lartë, siç pohoi Sekretari amerikan i Shtetit Antony Blinken, me të cilin u takua të shtunën e kaluar, Mitsotakis tha se kjo sjell përfitime ekonomike, ushtarake dhe diplomatike për vendin.

Më konkretisht për kërkesën e shumëpritur të vendit për avionë luftarakë F-35 nga Washingtoni, ai tha: "Qeveria greke ka paraqitur kërkesë të argumentuar për blerjen e avionëve luftarakë F-35 dhe besoj se kjo kërkesë do të miratohet nga autoritetet amerikane… relativisht shpejt, sipas mendimit tim".

Duke folur gjithashtu për çështjen shumë të kontestuar të martesës mes të njëjtës gjini, Mitsotakis përsëriti se qeveria greke mbetet e angazhuar për legalizimin e saj.

Megjithatë, ai tha se projektligji i qeverisë nuk do të përfshijë miratimin për përdorimin e një nëne surrogate nga çiftet e të njëjtës gjini.