Një tërmet 7.3 ballë godet Indonezinë

Një tërmet me magnitudë 7.3 ballë ka ndodhur në lindje të Indonezisë, transmeton Anadolu Agency (AA).

Qendra për Kërkime Gjeologjike të SHBA-së (USGS) njoftoi se tërmeti prej 7.3 ballësh u regjistrua në lindje të Indonezisë.

Gjithashtu thuhet se është bërë paralajmërim për cunami pas lëkundjes që ndodhi në një thellësi prej 18.5 kilometrash në orën 11:20 sipas kohës lokale në brigjet e rajonit Flores Island të vendit.

Zëdhënësi i Agjencisë Kombëtare Indoneziane të Fatkeqësive (BNPB), Abdul Muhari tha se tërmeti është ndjerë në mënyrë të fuqishme në rajon.

"Ende nuk ka informacione për viktima apo dëme, por ekipet e reagimit po përpiqen të mbledhin të dhëna", tha Muhari.

Në janar mbi 100 persona humbën jetën në një tërmet 6.2 ballë në rajonin Sulawesi të Indonezisë.