Në sulmin izraelit me dronë në Bregun Perëndimor vriten 4 palestinezë

Në sulmin me mjete ajrore pa pilot (UAV) të Izraelit në kampin e refugjatëve Nur Shams në Bregun Perëndimor të pushtuar u vranë 4 të rinj palestinezë, transmeton Anadolu.

Sipas lajmit të agjencisë zyrtare palestineze të lajmeve WAFA, bazuar në burimet e spitalit "Dëshmori Sabit Sabit", forcat izraelite kanë kryer sulm me raketa me dronë në kampin e refugjatëve Nur Shams në qytetin Tulkarm në Bregun Perëndimor të pushtuar.

Në sulm humbën jetën 4 të rinj palestinezë. Numri i palestinezëve të vrarë në 24 orët e fundit nga sulmet izraelite në qytetin Tulkarm është rritur në 6.