Ekip
29 Dhjetor 2018•Përditësim: 30 Dhjetor 2018
PARIS (AA) - Protestuesit me “jelekë të verdhë” po dalin në grupe të vogla rrugëve të Parisit dhe në vendet tjera në Francë, megjithatë lëvizja e tyre duket të jetë në rënie për sa i përket numrit të protestuesve, transmeton Anadolu Agency (AA).
Dhjetëra njerëz u mblodhën të shtunën në Champs-Elysees, që ishte një skenë trazirash më parë këtë muaj. Policia është duke vëzhguar me kujdes situatën, mirëpo numri i protestuesve duket dukshëm më i vogël se fundjavat e mëparshme.
Demonstratat kanë në shënjestër presidentin francez, Emmanuel Macron, i cili lëshoi pe tek disa kërkesa të tyre, siç janë lehtësimet në taksat, por edhe disa lehtësime tjera ekonomike.
Megjithatë, shumë njerëz janë ende të irrituar me drejtimin e shtetit dhe vazhdojnë të vendosin barrikada në shumë rrugë të rëndësishme anembanë vendit.
Lëvizja "jelekët e verdhë" u nis më 17 nëntor, kur protestat filluan në shenjë pakënaqësie me paralajmërimin për rritjen e taksës së karburantit.
