SHBA, mbi 7 mijë të vdekur nga COVID-19

Numri i të vdekurve në SHBA nga koronavirusi i ri (COVID-19) ka tejkaluar shifrën 7.000, sipas të dhënave nga Universiteti Johns Hopkins, raporton Anadolu Agency (AA).

Sipas të dhënave, numri i të vdekurve nga COVID-19 ka arritur në 7.406, ndërsa bilanci më i madh është regjsitruar New York City, i cili është goditur më së shumti dhe numëron 1.867 vdekje. Në mbarë shtetin e New Yorkut janë regjistruar 955 vdekje të reja.

Ndërkaq, numri i rasteve të konfirmuara në mbarë vendin ka arritur në mbi 277 mijë veta.

Pasi për herë të parë u shfaq dhjetorin e kaluar në Wuhan të Kinës, COVID-19 është përhapur në mbarë globin.

SHBA ka regjistruar numrin më të madh të rasteve, por niveli i vdekshmërisë ka mbetur relativisht i ulët. Italia mbetet vendi më i goditur me 14.681 vdekje, i ndjekur nga Spanja me 11.198 vdekje.

Virusi e ka shtyrë ekonominë globale në prag të recesionit dhe, ndërsa masat e njëpasnjëshme të vendeve për të mbajtur njerëzit në shtëpi kanë bllokuar bizneset.

Ekonomia e SHBA-së humbi 701 mijë vende pune muajin e kaluar mes pushimeve dhe mbylljes së biznesit të shkaktuara nga virusi, ndërsa papunësia u rrit në 4,4 për qind, nga 3,5 për qind sa ishte në shkurt, rritja më e madhe që nga janari i vitit 1975.

Të dhënat e Byrosë së Statistikave të Punës përfshijnë gjysmën e parë të marsit dhe gjysmën e dytë të shkurtit, e cila është para se shumë shtete të fillonin imponimin e masave të rrepta që kishin për qëllim parandalimin e përhapjes së virusit.