Muhammed Bilal Kenasari
12 Prill 2018•Përditësim: 12 Prill 2018
WASHINGTON (AA) - Zëdhënësja e Shtëpisë së Bardhë, Sarah Sanders, ka theksuar se presidenti amerikan, Donald Trump, nuk ka dhënë ende vendimin e tij të fundit në lidhje me regjimin e Bashar al Asadit në Siri, transmeton Anadolu Agency (AA).
"Tani kemi disa opsione, ne po i vlerësojmë ato dhe të gjitha këto opsione janë në tryezë. Vendimi përfundimtar ende nuk është marrë për atë pikë", është shprehur Sanders, duke folur gjatë një konferencë për media në Shtëpinë e Bardhë në lidhje me sulmin me armë kimike të ndërmarrë nga regjimi i Asadit në Siri.
Duke vënë në dukje se Trump po vlerëson opsionet për Sirinë, Sanders tha se "Presidenti Trump nuk ka vendosur për afatin kohor dhe të gjitha opsionet po vlerësohen".
Trump nga llogaria e tij në rrjetin social Twitter me mesazhin "Rusi bëhu gati" për operacion në Siri ishte shprehur se, "Raketat po vijnë. Nuk duhet të bëheshit partner me kafshën që vret popullin e tij dhe vrasësin që kënaqet kur përdor gazin helmues".
