SpaceX mohon se satelitët e saj zënë shumë vend ​​në hapësirë

Themeluesi i kompanisë Tesla dhe kompanisë së teknologjisë hapësinore SpaceX, Elon Musk mohoi pretendimet se satelitët Starlink zënë shumë vend ​​në hapësirë, transmeton Anadolu Agency (AA).

Duke folur për "Financial Times" në lidhje me kritikat ndaj projektit Starlink, Musk tha se ka vend për miliarda satelitë në hapësirë.

Sipas tij, hapësira është e madhe dhe satelitët janë shumë të vegjël. "Ne nuk penguam askënd të bënte asgjë", tha Musk.

Kina u ankua ndaj Musk në Zyrën e Çështjeve Hapësinore të Kombeve të Bashkuara (UNOOSA) me arsyetimin se satelitët e lëshuar si pjesë e projektit Starlink paraqesin rrezik për stacionin hapësinor.

Në dokumentin e dorëzuar në UNOOSA, Kina njoftoi se duhej të zbatonte "masat e kontrollit të përplasjes" për të parandaluar përplasjen e satelitëve Starlink të lëshuar nga SpaceX në korrik dhe tetor në stacionin hapësinor.

Kina i ka bërë thirrje SHBA-së të mbrojë stacionin hapësinor nga satelitët e lëshuar nga SpaceX.

SpaceX planifikon të krijojë një rrjet prej 12 mijë satelitësh në orbitën e tokës me satelitët Starlink. Projekti synohet të përfundojë në vitin 2027.