Stambolli do të presë bisedimet bërthamore Iran-Evropë

Ministri i Jashtëm i Iranit, Abbas Araghchi, tha se bisedimet mbi çështjen bërthamore me Britaninë, Francën dhe Gjermaninë do të mbahen në Stamboll më 16 maj, transmeton Anadolu.

Sipas agjencisë zyrtare iraniane të lajmeve IRNA, Araghchi iu përgjigj pyetjeve të shtypit pas mbledhjes së kabinetit.

"Raundi i radhës i bisedimeve midis Iranit dhe Evropës do të mbahet në Stamboll të premten, më 16 maj, në nivelin e zëvendësministrave të jashtëm", tha ai.

Ndërsa vazhdojnë bisedimet indirekte me SHBA-në, Araghchi tha se janë të gatshëm të zhvillojnë bisedime të drejtpërdrejta me vendet evropiane.

"Fatkeqësisht, evropianët janë disi të izoluar në këto negociata me politikat që ndjekin. Ne nuk e duam një situatë të tillë dhe i vazhduam bisedimet tona", u shpreh Araghchi.