Sulme terroriste të DEASH-it në Irak, disa të vdekur

MOSUL (AA) – Së paku katër persona kanë humbur jetën, ndërsa 13 të tjerë janë plagosur gjatë sulmeve terroriste të DEASH-it në Irak, raporton Anadolu Agency (AA).

Kapiteni në ushtrinë irakiane, Jamal al-Halidi, për AA konfirmoi se militantët e DEASH-it kryen sulm në vendin Hazir, në jug të Mosulit. Gjatë sulmit në fshatin Al-Asadie vranë së paku tre civilë.

Sulmi tjetër ndodhi në Tikrit, në krahinën qendrore irakiane Salahaddin. Gjatë kalimit të një autobusi i cili transportonte të punësuarit e një rafinerie të naftës në këtë rajon ndodhi një shpërthim, ndërsa bëhet fjalë për një mjet shpërthyes që afër rrugës më herët e kishin vendosur terroristët e DEASH-it.

Konfirmohet se gjatë shpërthimit ka humbur jetën së paku një i punësuar, ndërsa 10 prej tyre janë plagosur. Në shpërthimin e tretë në qytetin Anbar, prapa të cilit po ashtu qëndron DEASH-i, janë plagosur së paku tre persona.