Türkiye dhe Kina diskutojnë zhvillimet e fundit në Gaza

Ministri i Punëve të Jashtme i Türkiyes, Hakan Fidan dhe i dërguari i posaçëm i Kinës për çështjet e Lindjes së Mesme, Zhai Jun, kanë diskutuar zhvillimet e fundit në Rripin e Gazës, raporton Anadolu.

Sipas burimeve diplomatike turke, shefi i diplomacisë turke priti të dërguarin kinez për Lindjen e Mesme në Ministrinë e Punëve të Jashtme në Ankara.

I mbajtur pas dyerve të mbyllura, burimet thanë se diskutimi mbuloi edhe një sërë çështjesh rajonale.

Që kur grupi palestinez Hamas nisi një ofensivë ndërkufitare muajin e kaluar, Izraeli ka kryer sulme të pamëshirshme ajrore dhe tokësore në Rripin e Gazës, përfshirë mbi spitalet, rezidencat dhe shtëpitë e adhurimit.

Sulmet kanë vrarë mbi 11 mijë palestinezë, përfshirë mbi 8 mijë gra dhe fëmijë. Ndërkohë, sipas shifrave zyrtare, numri i vdekjeve izraelite është gati 1.200.