Ukrainë, probleme mjedisore në rajon pas goditjes së digës Kakhovka

Pas goditjes së digës Kakhovka dhe Hidrocentralit (HEPP) në Ukrainë, në rajon u shfaqën probleme mjedisore, transmeton Anadolu.

Në mediat sociale u publikuan pamje të ngordhjes masive të peshqve nga fshati Maryanske në brigjet e lumit Dnipro në rajonin Dnipropetrovsk.

Në pamje shihet një numër i madh i peshqve në një zonë të madhe ku është tërhequr uji, disa prej tyre të ngordhur dhe disa prej tyre duke luftuar me etjen.

Përdoruesit e rrjeteve sociale pohuan se ngordhja masive e peshqve ka ndodhur si pasojë e goditjes së digës Kakhovka.

Shefi i Zyrës së presidentit të Ukrainës, Andriy Yermak postoi imazhin në llogarinë e tij në rrjetet sociale. "Masakër mjedisore e bërë nga njeriu nga ana e Rusisë", tha ai.

Probleme me ujin e pijshëm

Si pasojë e shpërthimit të digës së Kakhovkës, në zonat e përmbytura ka lindur problemi i ujit të pijshëm.

Përdoruesit e mediave sociale shpërndanë një imazh të banorëve të qytetit të Kriviy Rig në rajonin e Dnipropetrovsk duke blerë shishe të mëdha uji nga dyqanet me shumicë.

Autoritetet ukrainase njoftuan se kanë nisur punën për sigurimin e ujit të pijshëm për përdoruesit nga diga Kakhovka.

150 tonë karburant u përzien në lumin Dnipro

Ministri ukrainas i Punëve të Brendshme, Igor Klimenko dje deklaroi se 150 tonë naftë janë përzier në lumin Dnipro për shkak të shkatërrimit të seksionit të makinerive të HEPP Kakhovka.

Ai theksoi se grupet me pajisjet e nevojshme kanë filluar të punojnë për eliminimin e pasojave të mundshme të fatkeqësisë mjedisore.

Si pasojë e goditjes së HEPP Kakhovka, rreth 80 vendbanime u shpallën zona të përmbytjeve dhe 23 vendbanime u përmbytën brenda 24 orëve pas goditjes së digës.