UNICEF: Në Haiti bandat synojnë shkollat dhe nxënësit

Fondi i Kombeve të Bashkuara për Fëmijët (UNICEF) ka paralajmëruar shkollat ​​në Haiti se fëmijët janë bërë objektiv i vjedhjeve ose shpërblimi nga bandat, transmeton Anadolu Agency (AA).

Në deklaratën e UNICEF-it, njoftohet se në dy muajt e fundit të paktën 7 shkolla në kryeqytetin Port-au-Prince janë detyruar të paguajnë në këmbim të sigurisë ndaj bandave të paidentifikuara dhe janë kërcënuar edhe institucione të tjera.

"Rritja e frikës në shkolla do të thotë më pak mësim. Bandat po i kthejnë me shpejtësi tempujt e dijes në skena dhune", theksohet në deklaratë.

Gjithashtu tërhiqet vëmendja për rritjen e aktiviteteve të bandave nëpër shkolla pasi anëtarët e bandave thanë se kishin vrarë Patrice Derenoncourt, profesor në Fakultetin e Ekonomisë Sociale dhe Politike në Universitetin e Notre-Dame në Port-au-Prince, të cilin ata e kishin rrëmbyer së fundmi.