Rubla ruse vazhdon të zhvlerësohet

Rubla ruse vazhdon të zhvlerësohet për shkak të ndikimit të sanksioneve ekonomike, transmeton Anadolu Agency (AA).

Sipas të dhënave të Bursës së Moskës, kursi dollar/rubla u rrit me 12,36 për qind në 117.35, dhe kursi euro/rubla u rrit me 8 për qind në 127.42.

Ndërsa vendet perëndimore po zgjerojnë sanksionet e tyre ekonomike kundër Rusisë për shkak të luftës Rusi-Ukrainë, në Rusi po merren masa të reja në përgjigje të sanksioneve.

Banka Qendrore e Rusisë njoftoi se ka pezulluar shitjet në valuta të huaja nga 9 mars deri më 9 shtator.

Në deklaratën e bankës, thuhet se kufijtë e tërheqjes së depozituesve në valutë të huaj u riorganizuan në një maksimum prej 10 mijë dollarë dhe se depozituesit mund të tërheqin shifrat më të mëdha se kjo vetëm në rubla ruse.