Transferimet e Liverpoolit lanë gjurmë në vitin 2025

MUTLU DEMIRTASTAN

Anadolu ka përpiluar transferimet që dolën në pah në botën e futbollit gjatë vitit 2025.

Skuadra angleze Liverpool, e cila përfshiu në përbërje Alexander Isak, Florian Wirtz dhe Hugo Ekitike, realizoi transferimet më të bujshme të vitit 2025.

Nënshkrimi i sulmuesit nigerian Victor Osimhen, të transferuar nga Napoli te Galatasaray, gjithashtu pati jehonë të madhe në botën e futbollit.

Përfaqësuesit anglezë Arsenal dhe Manchester United u renditën gjithashtu ndër skuadrat që shpenzuan më së shumti në vitin 2025.

- Liverpooli pagoi gati 500 milionë euro për klauzolë

Sipas të dhënave të "Transfermarkt", Liverpooli, i cili tërhoqi vëmendjen veçanërisht me përforcimet në repartin ofensiv, shpenzoi gjithsej 482,9 milionë euro për klauzolë lojtarësh.

"Të kuqtë" transferuan sulmuesin suedez Alexander Isak nga Newcastle United për 145 milionë euro, mesfushorin ofensiv gjerman Florian Wirtz nga Bayer Leverkusen për 125 milionë euro dhe sulmuesin francez Hugo Ekitike nga Eintracht Frankfurt për 95 milionë euro.

Isak u regjistrua gjithashtu si transferimi më i shtrenjtë i vitit 2025.

Emra të tjerë që u bashkuan me Liverpoolin ishin mbrojtësi hungarez Milos Kerkez nga Bournemouth për 46,9 milionë euro, holandezi Jeremie Frimpong nga Bayer Leverkusen për 40 milionë euro dhe italiani Giovanni Leoni nga Parma për 31 milionë euro.

- Transferimi i Osimhen te Galatasaray

Galatasaray, duke transferuar në afatin veror sulmuesin nigerian Victor Osimhen, theu rekordin e klauzolës në futbollin turk.

Fillimisht, "verdhekuqtë" e huazuan Osimhen-in nga Napoli për një sezon dhe më pas e transferuan përfundimisht duke paguar 75 milionë euro.

Galatasaray, që përforcoi repartin ofensiv me Osimhen-in, u bë temë diskutimi edhe me transferimet me kosto të lartë të Wilfried Singo dhe Ugurcan Çakir.

- Arsenal dhe Manchester United gjithashtu ndër shpenzuesit

Arsenal dhe Manchester United u renditën ndër klubet që shpenzuan më së shumti për transferime në vitin 2025.

Arsenali, që shpenzoi 293,5 milionë euro gjatë afatit veror të transferimeve, afroi lojtarë si Martin Zubimendi, Eberechi Eze, Viktor Gyokeres, Noni Madueke, Cristhian Mosquera dhe Christian Norgaard.

Manchester United, nga ana tjetër, shpenzoi rreth 250 milionë euro për transferimet e Benjamin Sesko, Bryan Mbeumo, Matheus Cunha dhe Senne Lammens.

Në botën e futbollit, 10 lojtarët për të cilët u paguan klauzola më të shtrenjtë në vitin 2025 janë si më poshtë: