07 Tebax 2019•Rojanekirin: 08 Tebax 2019
Li gor rapora ku Sermifetişiya Wezareta Parastinê ya Amerîkayê (Pentagon) pêşkêşî Kongreyê kir Amerîka plan dike ku li Sûriyeyê ji bo heyama piştî DEAŞê YPG/PKK jî di nav da jimara hêmanên ku bi wan ra hevkarî kir ji 100 hezarî derxîne 110 hezarî.
Sermifetişiya Pentagonê rapora heyama 1ê Nîsanê-30yê Hezîranê ya Operasyona Biryardariya Siruştî ya ku Koalîsyona Dijî DEAŞê dike pêşkêşî Kongreyê kir.
Di rapora 116 rûpelî da hat parastin ku piştî DEAŞ ji aliyê fizikî va hat têkbirin bi taybetî li Sûriyeyê wek hêzên serhildêr hê jî "tehdîda xwe" didomîne. Di vê çarçoveyê da bi qasî têkoşîna bi rêxistinê ra divê amadehiyên ji bo heyama piştî DEAŞê bênavber dewam bikin.
Di beşa bi serenava "Înşakirina Kapasîteya Hêzên Hevpar a li Sûriyeyê" ya raporê da jî di nav fealiyetên ku ji bo heyama piştî DEAŞê tê pêşbînîkirin da cî dan madeya "mezinkirina YPG/PKKyê".
- Armanc ew e ku derxînin jimarê 110 hezarî
Di raporê da hat gotin ku "Li Sûriyeyê bi awayekî fizîkî têkçûna DEAŞê û li ser mijara ji nû va vejîna rêxistinê bisekinin kompozîsyona hêzên hevpar ên li Sûriyeyê jî diguhere. Plana Operasyona Biryardariya Siruştî -Hêza Peywira Hevpar a Yekbûyî (CJTFOIR) ew e ku (li Sûriyeyê) alîkariyê bide ku hemû hêzên hevpar ji sedî 10 bên zêdekirin û di navbera hemû hevgiran da hêzên nû derxînin holê."
Di beşa pişt ra da hat diyarkirin ji bo ku jimara "hêzên hevpar" ên ku hê jî 100 hezar kes in derxînin 110 hezarî xebat tên kirin.
Li gor raporê hêmanên tê hedefkirin ku derxînin 110 hezarî, 30 hezar ji YPG/PKKya rêxistina terorê ya ku navê "HDS"yê bi kar tîne, 45 hezar ji hêmanên ku wekî "Hêzên Ewlehiyê yên Navxweyî ya Herêmî" (PRIFS) tên binavkirin, 35 hezar jî ji hevgirên dibêjinê "Hêzên Ewlehiya Navxweyî" (INSF) (ên li Reqa, Minbic û Dêrazorê) pêk bên.
Di raporê da hat ragihandin ku herdu hêmanên ku dibêjinê "Hêzên Ewlehiya Navxweyî ya Herêmî" û "Hêzên Ewlehiya Navxweyî" ji hêzên li sehayê pêk tên û bi YPG/PKKya rêxistina terorê ya ku navê "HDS"yê bi kar tîne ra di nav kordînasyonê da dixebite lêbelê der barê têkilî û pêwendiya di navbera wan da pênaseyek nehat kirin.
- Îdiaya "nikarin Kampa Holê bişopînin"
Di rapora Pentagonê da hat diyarkirin ku Amerîka nikara têra xwe livdariya li kampa Holê ya tê diyarkirin ku li bi qasî 10 hezar terorîstên DEAŞî hene bişopîne YPG/PKK jî tenê dikare ewlehiya qismî pêk bîne.
Hat ragihandin ku çareseriya ji bo kampa navborî hat pêşniyazkirin jî ew e ku kesên li kampê neqlî cihekî din bikin.
- Kontrola YPG/PKKya rêxistina terorê ya li Dêrazorê rageşiyê zêde dike
Ji aliyê din va di beşeke din a raporê da hat nirxandin ku li hin herêman piştî ji DEAŞê hat paqijkirin rayeya birêvebiriyê ya di destê YPG/PKKyê da dibe sedema aciziyê.
Wek mînak hat ragihandin ku konseya qaşo ya ku YPG/PKKya rêxistina terorê ya ku navê "HDS"yê bi kar tîne li Dêrazorê ava kir di nav gelê ku piraniya wan Ereb in da aciziyê derxist holê, mirovên ku daketin kolanan protesto li dar xistin.
Di raporê da herwiha hat gotin ku gelê herêmê protesto dike ku YPG/PKK çima neftê difroşe rejima Beşar Esed.
