Beşar Esed li Tehranê ligel rêberê dînî yê Îranê Xamaney hat cem hev

Serokê rejima Sûriyeyê Beşar Esed li Tehranê ligel rêberê dînî yê Îranê Elî Xamaney hat cem hev.

Li gorî Ajansa Nûçeyan a Fars, Xamaney digel Esedê ku bo Tehranê ziyareteke surprîz kir, kom bû.

Di hevdîtina ku mijarên herêmî û geşedanên dawîn ên li Sûriyeyê hatin axaftin da Xamaney wiha got, "Divê hewl were dayîn da ku peywendiyên herdu welatan ji berê jî baştir bibin."

Hat destnîşankirin, di ziyareta Esed a ji bo Xamaney da Serokomarê Îranê Îbrahîm Reîsî, Fermandarê Hêza Qudsê ya Pasdarên Şoreşê Îsmaîl Kaanî û Wezîrê Karên Derva Huseyîn Emîr Ebdullahyan jî amade bûn.

Piştî hevdîtina digel Reîsî, serokê rejima Sûriyeyê Esed ji welêt veqetiya.