Hêzên Îsraîlê avêtin ser Şerîeya Rojava 3 Filistînî hatin kuştin, 8 kes jî birîndar bûn

Hêzên Îsraîlê li Şerîeya Rojava avêtin ser bajarê Cenînê û di encamê da 3 Filistînî hatin kuştin, 8 kes jî birîndar bûn.

Di daxuyaniya Wezareta Tenduristiyê da wiha hat gotin, "Li bajarê Cenînê bi guleyên eskerên Îsraîlê 3 Filistînî şehîd bûn, 8 kes jî birîndar bûn."

Li gorî nûçeya têlevîzyona dewleta Filistînê, Filistîniyên hatin kuştin Bera Lehluh, Leys Ebu Surur û Yusuf Salah in.

Şahidên bûyerê diyar kirin, eskerên Îsraîlê avêtin ser bajarê Cenînê, wesayîteke 4 kes tê da bûn, dan ber guleyan.

Meqamên fermî yên Îsraîlê der heqê bûyerê da hê daxuyanî nedane.