Li Fasê bi mezinahiya 5.1ê erd hejiya

Li herêma Azîlalê ya ku dikeve bakurê Fasê bi mezinahiya 5.1ê erd hejiya.

Li gor daxuyaniya Enstîtuya Jeofîzîkê ya Neteweyî ya Fasê, erdhej danê sibehê çêbû û di erdhejê da tiştek bi kesî nehat û zirar negihîşt mal û milk.

Serokê Enstîtuyê Nasir Cabûr daxuyanî da kanala têlevîzyonê ya fermî û diyar kir, îro bi mezinahiya 5.1ê erd hejiya û ev erdhej dewama erdheja li herêma El-Hûzê bû ku di 7ê Îlonê da bi mezinahiya 7an çêbûbû.

Li Fasê şeva 8ê Îlonê li El-Hûzê erd hejiyabû û di vê erdhejê da nêzî 3 hezar kes miribûn, ji 6 hezarî zêdetir kes jî birîndar bûbûn. Di vê erdhejê da li herêma Azîlalê jî gelek kes miribûn.