Li Nepalê ji ber hezaz û lehiyan 100 kes mirin

Li Nepala ku li Asyaya Başûr welatek e, li paytext Katmandu û bajarên li dewrûberê ji ber barana gumrah hezaz çêbûn û her wiha lehî rabûn, di encamê da 100 kes mirin.

Li gorî nûçeyên çapemeniya xwemalî, di daxuyaniya Wezareta Karên Navxweyî ya Nepalê da hat diyarkirin, ji ber barana ku 3 roj e li Katmandu û dewrûberê dibare, hezaz çêbûn û her wiha lehî rabûn.

Di daxuyaniyê da hat destnîşankirin ku ji ber hezaz û lehiyan 100 kes mirin, 67 kes jî wenda ne.

Her wiha hat diyarkirin ku xebatên lêgerîn û xilaskirinê didomin, ji ber hezazê jî hin rêyên sereke hatin girtin û di rêyan da jî wesayît mehsûr mane.

Hikûmetê jî ragihand ku li herêmê perwerde ji bo 3 rojan hat rawestandin.