Li Erzirom û Erdexanê berf dibare, li Qersê serma heye

Li Erzirom û Erdexanê berf dibare, li Qersê sir û serma heye.

Li Erziromê di rojên dawî da berfa ku bi navber dibare, bi şev cardin dest pê kir. Bi ketina berfê ra kuçe û kolan cardin spî bûn.

Ekîbên şaredariyê kolan ê peyarêyên bajêr paqij kirin, welatiyan jî berfa pêşiya kargehên xwe avêt.

Her wiha ekîb ji bo helandina cemedê di rêyan da xoyê reşand.

Li bajêr bişev germa hewayê 5 pile di binê sifirê da hat pîvan, di 24 saetên dawî da serê mêtreqareyê 3,5 kîlo berf ket, qalindahiya berfê 24 santêm hat pîvan.

- Qers û Erdexan

Li Qersê piştî ku 2 rojan ser hev berf ket, serma çêbû.

Ji ber sermayê li ser rê û peyarêyan cemed çêbû. Dîmena roviyê ku li ser berfê li xwarinê digeriya, hat kişandin.

Li navçeya Akyakayê jî bi ketina berfê ra gund spî bûn. Xwendekaran bi berfê leyîst û bûka berfê çêkir.

Li Erdexanê jî berfê navenda bajêr spî kir, rêyan cemed girt.