Ajansa nûçeyan a ûris TASSê AA ziyaret kir

ÎSTANBUL

Serokê Lijneya Rêvebirinê û Midûrê Giştî yê Ajansa Anadoluyê (AA) Şenol Kazanci û Midûrê Giştî yê Ajansa Nûçeyan a Ûris TASSê Sergey Mîkhaylov ji bo peywendiyên dualî û mijarên hevkariyê kom bûn.

Mîkhalyov û heyeta bi pê ra ku li ser vexwendina Kazanci hatin Stenbolê, li ofîsa AAyê ya Stenbolê hatin ezimandin.

Herwiha Alîkarê Midûrê Giştî yê TASSê Mîkhaîl Gusman û Alîkarê Midûrê Giştî yê AAyê Mustafa Ozkaya jî beşdarî civînê bûn.

Di hevdîtinê da mijarên wekî hevkarî û peywendiyên dualî yên AA û TASSê hatin gotûbêjkirin.

Ji xeynî vê, di kombûnê da Kordînatorê Akademiya Nûçeyan a AAyê Umît Sonmez jî der heqê fealiyetên akademiyê da agahî da Mîkhalyov.

Kazanci û Mîkhalyov herwisa di hevdîtinê da diyarî jî dan hevdu.