Li Batmanê mîdîbusa ku karker diguhastin wergeriya: 15 birîndar

BATMAN

Li Batmanêmîdîbusa ku karker diguhastin wergeriya, yek jê giran 15 kes birîndar bûn.

Mîdîbusa bi plaqaya 21 FF 391 ku Nasrettîn Oztoprak (50) diajot û karkerên febrîqeya tuxlayê yên Herêma Sanayiyê ya Organîze ya Batmanê barkiribûn, li taxa Petrolkentê wergeriya newalê.

Di qezayê da 15 karker birîndar bûn. Welatiyên der û dorê û ekîba îtfaiyeyê birîndar ji wesaîta wergeriyayî derxistin.

Ambulansê birîndar rakirin nexweşxaneyên bajêr û hat gotin ku rewşa birîndarekî giran e.

Midûrê Emniyetê Mehmet Alî Kaplan jî çû cihê qezayê û lêkolîn kir.