Zozaniyên li Çiyayê Agiriyê dadigerin

IGDIR

Rêncberên ku biharê dertketine zozanên quntarê Çiyayê Agiriyê, piştî barîna berfê bi bira pezên xwe va dadigerin.

Duh êvarê li Îdirê şilî barî, li Çiyayê Agiriyê û cihên bilind jî berf barî.

Şilî û berfê da zozaniyên ku derketibûn zozanên Çiyayê Agiriyê. Piştî barîna berfê rêncberên ku derketibûn zozanên pêşa çiyê yên Serdarbulak, Bilîcan û Gewro, bi pez û dewarên xwe ra berê xwe dane Deşta Îdirê.

Ji zozaniyan Ahmet Kurt daxuyanî da nûçegihanê AAyê û got ku ji ber berfê cihê çêrandinê nema ku ew heywanên xwe lê biçêrînin û ji ber vê yekê jî ew vedigerin Îdirê.

Kurt diyar kir, piştî ku berf barî li zozanê hewa pir sar bû û wiha dewam kir: "Nêzî 5-6 mehan e em derketine zozanê, lê ji ber ku hewa sar bû berf barî em dadigerin deştê. Em ê zivistana xwe li deştê derbas bikin û biharê cardin derkevin zozanên xwe. Jiyana me wiha dewam dike."

Meşa bi sedan heywanan dîmenên xweşik derxistin holê.