نرخی خاوی برێنت گەیشتە ٧٢،٢٧ دۆلار

ئیستانبوڵ ــ AA

وێڕای فشارەکان بەھۆی بڵاوبوونەوەی گۆڕاوی ئۆمیکرۆنی ڤایرۆسی کۆرۆنای نوێ لە ھەندێک لە وڵاتان، بەڵام نرخی خاوی برێنت لە مامەڵەکانی ئەمڕۆ سێشەممەدا، بەرزبوونەوەی تۆمارکرد و ھەر بەرمیلێکی بە ٧٢ دۆلار و ٢٧ سەنت مامەڵەی پێوەدەکرێت.

لەئێستادا بازاڕەکانی وزە لە جیھان، ترسی ئەوەیان ھەیە کە ئەگەری ھەیە بەھۆی زیادبوونی حاڵەتەکانی تووشبوون بە گۆڕاوی ئۆمیکرۆنی ڤایرۆسی کۆرۆنای نوێ کار و چالاکییەکان لە ھەندێک لە سێکتەرە گرنگەکان لە جیھان سنووردرا بکرێت کە ئەوەیش دەبێتە ھۆی کەمبوونەوەی خواست لەسەر سەرچاوەکانی وزە.

لە کاتژمێر ٠٦:٣١ یەک بەرمیل خاوی برێنت لە بازاڕەکانی جیھاندا بەڕێژەی ١،٠٥ لەسەدا بەرزبوونەوە تۆمارکردووە و ھەر بەرمیلێکی بە ٧٢ دۆلار و ٧٢ سەنت مامەڵەی پێوەدەکرێت.

ھاوکات نرخی یەک بەرمیل خاوی رۆژئاوای تێکساس، بەڕێژەی ١،٣٤ لەسەدا رووی لە بەرزبوونەوە کردووە و گەیشتە ٦٩ دۆلار و ٥٣ سەنت.

ھەروەھا لەئێستادا بازاڕەکانی وزە لە جیھان، چاوەڕوانی ئەوە دەکەن کە ئەمڕۆ چوارشەممە، فەرمانگەی زانیاری وزەی ئەمریکا، داتاکان لەبارەی نەوتی خاوی عەمبارکراو بڵاوبکاتەوە.